Serie ON VOUS PARLE...

ON VOUS PARLE DU BRÉSIL: TORTURES [FÁLANVOS DE BRASIL: TORTURAS]
(Francia. 1969)
Dirección: Chris Marker. Produción: Slon, ISKRA. Duración: 20 minutos.
Remontaxe das entrevistas realizadas a un grupo de prisioneiros políticos que veñen de ser postos en liberdade, que relatan as torturas das que foron obxecto en mans dos militares da ditadura.

ON VOUS PARLE DE PRAGUE: LE DEUXIÈME PROCÈS D'ARTUR LONDON [FÁLANVOS DE PRAGA: O SEGUNDO XUÍZO DE ARTUR LONDON]
(Francia, 1969)
Dirección e guión: Chris Marker. Produción: Slon, ISKRA. Fotografía: Pierre Duponey. Duración: 30 minutos.
Adaptación das memorias do comunista Artur London, quen perdeu a nacionalidade checa pola súa participación no filme “A confesión” de Costa-Gavras, e foi vítima do último gran xuízo stalinista na Europa do Leste. Análise das repercusións do filme de Costa-Gavras a través das testemuñas dos seus principais responsables, entre eles Simone Signoret, Yves Montand e Jorge Semprún.

ON VOUS PARLE DU BRÉSIL: CARLOS MARIGHELA [FÁLANVOS DE BRASIL: CARLOS MARIGHELA]
(Francia, 1970)
Dirección, guión e fotografía: Chris Marker. Produción: Slon, ISKRA. Duración: 17 minutos.
Montaxe de imaxes pertencentes a filmes brasileiros relacionados coa represión militar, o apoio dos Estados Unidos á ditadura e a loita da oposición, representada polo militante político asasinado polos escuadróns da morte Carlos Marighela.

ON VOUS PARLE DE PARIS: LES MOTS ONT UN SENS. PORTRAIT OF FRANÇOIS MASPÉRO [FÁLANVOS DE PARÍS: AS PALABRAS TEÑEN UN SENTIDO. RETRATO DE FRANÇOIS MASPÉRO]
(Francia, 1970)
Dirección, guión e fotografía: Chris Marker. Produción: Slon, ISKRA. Duración: 20 minutos.
François Maspéro, activista, editor de obras de carácter político e propietario da librería “La Joie de Lire” no barrio latino de París, explica as particularidades do seu traballo e o obxectivo e os límites da contrainformación.

ON VOUS PARLE DU CHILI: CE QUE DISAIT ALLENDE [FÁLANVOS DE CHILE: O QUE DICÍA ALLENDE]
(Francia, 1973)
Dirección: Chris Marker, Miguel Littin. Produción: Slon, ISKRA. Duración: 15 minutos.
Recuperación e montaxe dunha longa conversación entre Régis Debray e o presidente chileno Salvador Allende filmada por Littin, “Compañeiro presidente” (1971), coa fin de axudar ao público a comprender o proxecto político de Allende e as forzas ás que se enfronta.