SELL OUT!
Joo Han Yeo, 2008.
110´. Subtítulos en galego.
SELL OUT!
(Malasia, 2008)
Dirección e guión: Yeo Joon Han. Produción: Amok Films. Fotografía: Eric Yeong. Intérpretes: Jerrica Lai, Peter Davis. Duración: 110 minutos.
Ela chámase Rafflesia Pong (algo así como “flor fedenta”) e presenta un programa de entrevistas tan cheo de ambición como de odio polos artistas. El é Eric Tan, un deseñador moi inocente ao que a creatividade non axuda en nada. Ambos traballan para FONY, unha multinacional co lema de ser orixinal. Atípica e irreverente, premiada en Venecia, unha comedia musical en clave satírica que aproveita para remover as bases da política das grandes compañías, os xogos da televisión e o combate entre arte e comercio, sen evitar os dardos contra as ansias de aparencia da propia sociedade malaia, desde o cine de autor e a obsesión polos euroasiáticos ata o nome das empresas e o uso do Manglish (inglés malaio).