A Utopía Ianqui: Jim Finn (I)

En colaboración co Festival Internacional de Cine de Gijón e IVAC-La Filmoteca de Valencia.

Ciclo que inclúe longametraxes realizadas por cineastas estadounidenses educados en torno á contracultura dos 60, traballando desde coordenadas e canles de difusión periféricas e alternativas. Durante os meses de novembro e decembro veremos filmes de xentes como Jem Cohen, Thom Andersen, John Gianvito ou Jim Finn. A este último, nado en Saint Louis en 1968, lle dedicamos unha retrospectiva que contará coa súa presenza.
Creador de orixinais atmosferas, dono de tres longametraxes caracterizadas por un sentido da representación asumido, Finn mestura política e humor, integrando imaxes de arquivo e recuperando estéticas pasadas, cuestionando dogmas impostos e interrogándose sobre as forzas que constrúen a historia. Unha obra, precedida de curtametraxes a modo de clips afeccionados, que circula por festivais independentes e museos, e onde clama contra a manipulación das doutrinas oficiais expresando o seu malestar co capitalismo, indagando nas posibilidades estragadas dunha arte comunista, todo iso aderezado por un intelixente uso dos compoñentes musicais e a ironía constante.