Robert Aldrich

Pequena retrospectiva sobre a obra de Robert Aldrich (1918-1983), un dos realizadores americanos máis significativos da xeración da posguerra e un paradigma de independencia, na medida que moi axiña se converteu no seu propio productor. Composto por nove títulos, entre os que se inclúen algúns dos máis coñecidos da súa filmografía, onda outros inéditos comercialmente en España, o ciclo está organizado en colaboración coa 34ª edición do Festival Internacional de Cine de Gijón e a Filmoteca da Generalitat Valenciana.