OFF GALICIA

Continuamos co percorrido polas novidades presentes no cine galego contemporáneo. A aproximación ao mundo do teatro é a esencia de Onde as rúas non teñen nome de Alba Vázquez. Up Against the Wall Motherfuckers!, un valioso traballo de metraxe histórica,
ten un dos seus artífices, o montador Marcos Florez, establecido entre nós. A Raia descobre a figura dun singular camarógrafo e cineasta, Iván Castiñeiras. Seguen os documentais musicais da serie “Tolemias”, nesta ocasión con outro traballo de Segundo Grandío, Alma e industria, produción de Casa de Tolos e da canle de televisión R. Alberte Pagán filma en A realidade a Colombia da guerra civil a modo de noticiario independente e o espectador topa
con múltiples sorpresas, sempre fronte a verdades oficiais. Por último, Simone Saibene, residente en Ourense, crítico, programador e director, mostra a súa primeira longametraxe galega, 9 Olas, outro relato de movemento e desasosego.
Agradecementos: Alba Vázquez, Fernando Dacosta, Claudio Pato, Marcos Florez, Samuel M. Delgado, Iván Castiñeiras, Segundo Grandío, Luis Martínez, Alberte Pagán, Simone Saibene.