Esenciais: James Dean

O mito de James Dean (1931-1955) forxouse nos tres únicas longametraxes que protagonizou (e nos únicos que, fóra de distintos episodios televisivos, aparece acreditado), rodados no curso duns poucos meses e que o converteron nunha icona pop, o arquetipo do rapaz rebelde perfilado a partir dos personaxes de Al este del Edén e, nomeadamente, Rebelde sin causa:

“(…) a participación de James Dean na película (que tan decisiva consideraba Ray) foi propiciada pola fortuna. Por unha banda, non se producira aínda o inesperado éxito de East of Eden (co que quizais a Warner non permitise a presenza da súa estrela nun filme modesto e problemático), e, pola outra, a rodaxe de Giant, prevista nun comezo para marzo de 1955, atrasouse a causa do embarazo de Elizabeth Taylor. A rápida compenetración de James Dean con Ray (quen o implicou en todos os aspectos da película para lle dar maior seguridade), creou entre ambos unha intensa relación que, dalgún xeito, se duplicaba na pantalla (Ray interpretaba o papel do pai nos ensaios con Dean) e convertía a película nunha experiencia persoal. O propio James Dean dixo ‘xamais poderei volver a dar tanto de min mesmo’. Este espírito contaxiou a todos os participantes na película, que a lembran como unha experiencia excepcional, o que conferiu a Rebel Without a Cause o carácter de símbolo de toda unha xeración.” (Víctor Erice y Jos Oliver, Nicholas Ray y su tiempo. Filmoteca Española, 1986).