Cine portugués

O Centro Galego de Artes da Imaxe e a Universidade de Santiago, en colaboración co Instituto Portugués de Cinema, organizan unha pequena mostra de cine portugués composta por catro títulos de recente producción. A mostra exibirase consecutivamente en Santiago e na Coruña -nesta cidade coa colaboración da Agrupación Cultural "O Facho". O cine portugués continúa sendo, malia o seu grande interese, case totalmente descoñecido para o espectador do noso país. Raramente algunha producción consegue traspasar a fronteira e atopa un oco nas carteleiras comerciais ou na programación televisiva. Cineastas como Manoel de Oliveira, João César Monteiro, João Botelho ou João Mario Grilo acadan premios internacionais e o recoñecemento da máis esixente crítica europea, mentres en España son esquecidos totalmente. Desexamos que esta pequena mostra serva cando para mitigar esta situación.