Cartoon Manía
Do 1 de maio de 2006 ao 31 de maio de 2006
Tras a proxección, o pasado mes de marzo, dunha primeira sesión de cartoons hoxe considerados politicamente incorrectos, polos seus gags misóxinos ou baseados en estereotipos relixiosos ou étnicos, moitas veces ofensivos e decididamente racistas, a sesión de hoxe de CARTOON MANÍA presenta algunhas das obras máis significativas do xénero, como “Negra Carbona y loz ziete henanitoz”, verdadeiro paradigma do politicamente incorrecto (racista e machista en grao máximo), pero que está considerado o mellor cartoon musical de todos os tempos; algúns cartoons da serie “Private Snafu”, como “Booby traps / Trampas tetudas”, producido polo Exército para proxectar ás tropas; “Los domingos hay que ir a misa”, coa súa memorable secuencia na que os negros limpan aos seus fillos con betume; o divertidísimo “Herr conoce a la liebre”, no que Bugs Bunny se enfronta a un nazi; ou o raramente visto “Rapsodia rusa”, no que un gremlim do Kremlin vence a Hitler disfrazado de Stalin e que conclúe cun sorprendente “viva o proletariado”.
Ignacio Benedeti.