Nosotros no envejeceremos juntos

NOUS NE VIEILLIRONS PAS ENSEMBLE / NOSOTROS NO ENVEJECEREMOS JUNTOS (Francia-Italia, 1972) Dirección e guión: Maurice Pialat, sobre a súa novela. Produción: Lido Films (Francia) e Empire Films (Italia). Fotografía: Luciano Tovoli. Intérpretes: Jean Yanne, Marlene Jobert. Duración: 107 minutos. Con aspereza, sen piedade nin sentimentalismos, Pialat filma a crónica da degradación dunha parella. Un director de cine airado e violento, Jean, e Catherine, unha muller chea de neuras e comportamentos infantís, trazan arrebatos, enfados, promesas e reconciliacións nunha historia de amor que se resiste á súa disolución. Premio de interpretación para o actor Jean Yanne en Cannes 1972, nova mostra da habilidade do director para o traballo cos intérpretes.