Extinçao

• Share on twitter
• Share on facebook

“Kolja é un mozo de nacionalidade moldava, mais fiel a Transnistria, un país non recoñecido pola comunidade internacional, aínda mergullado na ideoloxía comunista. Un lugar que non existe, punto de partida da viaxe a ningures de Kolja entre fronteiras e monumentos, unha road movie perigosa e letarxicamente emocionante, que é á vez un poderoso estudo sobre a caída da URSS, as fronteiras de Europa, a constante fragmentación do continente e a disolución das identidades. Filme en que Salomé Lamas (Eldorado XXI, Terra de ninguém) xunta unha vez máis unha reflexión política brutal cunha posta en imaxes contundente” (catálogo do Festival de Sevilla).