![Noventa minutos](https://filmotecadegalicia.xunta.gal/sites/w_pcgai/files/styles/large/public/noventa-minutos.jpg?itok=CDGlU2Ga)
Noventa minutos
Enrique Guitart, Nani Fernández, José María Lado, Fernando Fernán Gómez
- 80
Encontrámonos no Londres da II Guerra Mundial. Un grupo de persoas quedan atrapadas polos bombardeos nun soto con aire por un tempo limitado: noventa minutos. Un thriller rodado nos decorados de El santuario no se rinde de Arturo Ruiz Castillo. O proxecto de restauración dixital deste filme realizouse durante a estancia cunha bolsa FormARTE por María Muñoz. Deste título consérvase, na Filmoteca Española, unha copia de nitrato branco e negro en 35 mm cun avanzado estado de degradación, o que produciu graves perdas no material. Tamén existen 4 copias en 16 mm mais o nitrato é o único material con calidade que se encontra no arquivo. Para recuperar a continuidade da película optouse por facer unha reconstrución empregando os planos en bo estado procedentes do 35 mm nitrato e completando aquelas partes que faltaban con fotogramas da copia en mellor estado de conservación en 16 mm. Cun duplicado do material en soporte fotoquímico non sería posible recuperar unha imaxe o suficientemente limpa de lesións e defectos que permitise unha correcta lectura da imaxe, de modo que se fixo necesario un tratamento de restauración dixital.
-
Filmoteca Española presenta...
Noventa minutos
Presenta: Josetxo Cerdán, director de Filmoteca Española. Entrada gratis.
- Ano:1950
- Países de produción: España
- Guión: Manuel Mur Oti
- Fotografía: Juan Mariné
- Montaxe: Bienvenida Sanz
- Produtora(s): Castilla Films