Katalin Varga

• Share on twitter
• Share on facebook

Tan axiña como descobre que non é o pai de Orbán, o marido de Katalin Varga bótaa da casa. Katalin, que non quere que o fillo medre sen un pai, dedícase a buscarlle un. Con intención de visitar á avoa enferma, nai e fillo emprenden unha viaxe a un lugar dos Cárpatos, ao que ela decidira non volver xamais, porque alí foi vítima, once anos antes, do criminal ataque de dous homes. O encontro cun deles, que non a lembra, espertará a súa sede de vinganza.