AGUIRRE O LA CÓLERA DE DIOS

AGUIRRE, DER ZORN GOTTES / AGUIRRE O LA CÓLERA DE DIOS
(Alemaña, 1972)
Dirección e guión: Werner Herzog. Fotografía: Thomas Mauch. Produción: Werner Herzog Filmproduktion, en asociación con Hessicher Rundfunk. Intérpretes: Klaus Kinski, Cecilia Rivera, Ruy Guerra, Peter Berling. Duración: 93 minutos.
Perú, 1570, Lope de Aguirre amotínase contra o seu capitán e á frente dun grupo de homes inicia a busca d’El Dorado. Acosados polos indios, enfermos, camiño da loucura, Aguirre segue adiante, facéndose servir como un emperador, delirando sobre o reino que fundará para os fillos que terá coa súa filla. Memorable encontro Herzog-Kinski que aproveita a abrupta paisaxe amazónica nun relato metafísico de aventuras que desde o recordado plano inicial deseña un microcosmos apaixonante e alucinatorio que fai virar todas as convencións do cine espectáculo.