WASSUP ROCKERS!
Larry Clark, 2005
111´. Subtítulos en galego.
WASSUP ROCKERS!
(Estados Unidos, 2005)
Dirección: Larry Clark. Guión: Larry Clark, baseado en historias del mesmo e de Mathew Frost. Produción: First Look. Fotografía: Steve Gainer. Intérpretes: Jonathan Velasquez, Francisco Pedrasa, Milton Velasquez, Usvaldo Panameno. Duración: 111 minutos.
A vida dun grupo de rapaces skaters latinos nun suburbio de Los Ángeles. Visten como Los Ramones, non se conforman coa cultura hip-hop e escoitan punk-rock, pero un día acoden ao paraíso do monopatín en Beverly Hills. Sen sabelo alí os agardan maiores perigos que no seu barrio do lumpenproletariado de South Central. Baixo ritmos punk-hardcore latinos, un relato de descrición sociolóxica, leves pulsións naturalistas e loita de clases, fusión de experiencia real e escenificación en clave traxicómica, polo que asoman émulos caricaturescos de Charlton Heston, Clint Eastwood e as irmás Hilton.