After Hours

Continúan as sesións en horario nocturno cunha programación fundamentalmente constituída por curtametraxes con carácter de estrea. Exhibiremos dúas pezas dun novo director, Guillermo Arias-Carbajal, e dúas sesións (das catro en total que comprenderá o mes), froito da colaboración establecida con Curtocircuíto, V Festival Internacional de Curtametraxes, que se celebra en Santiago de Compostela entre os días 17 e 24 de outubro. Realizamos unha mostra dos traballos gañadores do certame na última sesión do mes (de aí a imposibilidade de coñecer os seus contidos), así como unha selección dos traballos máis importantes das seccións paralelas, algúns deles presentes a través de “Fóra de serie”. Os segundos pases dos títulos de Philibert e Herzog completan o mes de outubro en “After Hours”.
Agradecementos: Guillermo Arias-Carbajal, Roberto Sánchez “Luna”, Curtocircuíto, Tim Redford, Miriam Rodríguez.