LA GRAN ESTAFA
Don Siegel, 1973.
111´. Subtítulos en galego.
CHARLEY VARRICK / LA GRAN ESTAFA
(Estados Unidos, 1973)
Dirección: Don Siegel. Guión: Howard Rodman e Dean Reisner, sobre a narración The Looters de John Reese. Produción: Universal Pictures. Fotografía: Michael C. Butler. Intérpretes: Walter Matthau, Joe Don Baker. Duración: 111 minutos.
Despois do éxito de Harry el sucio (1971), Don Siegel dirixe este lúcido relato de roubos. Charley Varrick, un antigo piloto aéreo temerario, logo fumigador profesional, asalta con tres cómplices o banco dunha pequena vila. Para a súa sorpresa, no suceso, salpicado por varias mortes, o botín ascende a 750.000 dólares. Mais o banco só recoñece un roubo menor... A mafia pon en marcha unha violenta operación para recuperar os cartos. Acosado, Varrick debe fuxir, perseguido por un salvaxe sicario. Humor, crueldade, cinismo, un universo de personaxes desencantados e cheos de complexidade moral (con actores da sona de John Vernon, Tom Tully ou Sheree North), os golpes de enxeño do guión, a capacidade de observación ou a banda sonora de Lalo Schifrin robustecen este thriller que lle serve a Matthau o primeiro dos 3 policiais seguidos que filmaría nesta época.