I Walked With a Zombie / Yo anduve con un zombie

I Walked With a Zombie / Yo anduve con un zombie
(Estados Unidos, 1943)

Dirección: Jacques Tourneur. Guión: Curt Siodmak, Ardel Wray (historia orixinal de Inez Wallace). Fotografía: J. Roy Hunt. Intérpretes: James Ellison, Frances Dee, Tom Conway, Edith Barrett, James Bell. Dur: 69'.

Clásico de Jacques Tourneur precursor do cinema de zombis. Un médico acode a unha plantación de azucre no Caribe para coidar da muller do propietario, que sofre recentemente dunha estraña enfermidade. Tenso terror atmosférico que permite lecturas políticas sobre a escravitude da raza negra en América, aspecto que inflúe no cine de Pedro Costa, así como a súa fotografía e as poses dos zombis, elementos que teñen eco en películas como Cavalo Dinheiro (2014).