Residuos voluminosos

• Share on twitter
• Share on facebook

Filmado en Berlín Leste a comezos do verán de 1989, este documental é o retrato dun grupo punk formado por catro músicos que se fan chamar Sperrmüll (Residuos Voluminosos) porque a súa maneira de producir música consiste en facer percusión sobre elementos refugados por outros.  Helke  Misselwitz céntrase especialmente en Enrico, un mozo de Berlín Leste que decide quedar nesa cidade cando a nai Erika casa no lado Oeste, e insiste en manter a súa identidade cultural ata despois da caída do Muro. Os mozos músicos queren seguir sendo cidadáns do seu propio Estado e teñen unha actitude máis ben escéptica cara á inminente reunificación. Esta película, orixinalmente pensada para ser un chamamento ao cambio social, rexistra o período dos cambios políticos desde a perspectiva dun grupo de mozos de Berlín Leste.