Qué le pasó a mi Johnny

• Share on twitter
• Share on facebook

Ela chámase Verónica. Todas se chaman Verónica. El é un poli, acábase de afeitar o bigote e interesanlle moito as pegadas dactilares das mulleres que pisan forte.

Ela aprendeu a ler as raias da man en México porque viaxando se aprende moito. El escoita a Miguel Ríos e odia ó seu barbeiro porque cando lle tinta o pelo nunca consegue o rubio que lucía aquel tipo na peli das ratas blindadas do deserto.

Eu chámome Alber Ponte, e gústanme as mulleres que falan de home a home, e os polis que teñen unha lembranza, verdadeira ou non, que case ninguén sabe.

Verónica, o poli e máis eu fixemos unha película e a titulamos Qué le pasó a mi Johnny porque sabemos que a Johnny pasoulle algo, e que probablemente existen poderosas razóns para contalo.

Eu chamome Alber Ponte e a pesar das ideoloxías, as sagradas gramáticas, o péndulo da subvención e o medo a triunfar nesta terra de linchamentos, seguirei facendo cine.