Parásitos

• Share on twitter
• Share on facebook

Toda a familia de Ki-taek está no paro e interésase moito polo ritmo de vida da riquísima familia Park. Un día, o seu fillo consegue que o recomenden para dar clases particulares de inglés na casa dos Park. É o comezo dunha engranaxe incontrolable, da que ninguén sairá realmente indemne. Palma de Ouro do festival de Cannes 2019 por unanimidade do xurado, a nova película do director coreano Bong Joon ho (Memories of murder, Mother, Snowpiercer) converteuse nun fenómeno de crítica e público alí onde se estreou. Parásitos é, sen lugar a dúbidas, unha das películas máis importantes do ano e posiblemente da década.