Diario de Medellín

• Share on twitter
• Share on facebook

Trátase dun diario íntimo recollido por adolescentes dunha clase de Medellín, cidade do cartel da droga, ó que a directora do documental, Catarina Vilar, accede coa fin de adentrarse sutilmente nas súas vidas. A idea permítelle facer unha abordaxe extremadamente sensible e xenerosa de tódolos problemas ós que estes rapaces se enfrontan. Non hai cuestións indiscretas, tan só será a complicidade o que une á realizadora cos alumnos. Así, coñeceremos o seu ambiente caótico e faranos descubrir a súa coraxe, a súa desesperación e maila súa dignidade.