![Cravos de Abril](https://filmotecadegalicia.xunta.gal/sites/w_pcgai/files/styles/large/public/stills_cravosdeabril_1.177.1_1.231.1.jpg?itok=AHTZohIg)
Cravos de Abril
- 28 min.
Un título obrigatorio da “filmografía portuguesa de abril”, un rexistro do día inicial, limpo, que levou á rúa a revolución e a poesía en palabras de Sophia de Mello tomadas por todos, un rexistro dos días inmediatos, electrizados pola alegría. Os primeiros acontecementos políticos da revolución portuguesa, na cronoloxía que vai do 25 de abril ao 1 de maio de 1974, son o tema de Cravos de Abril. Se ben o ano de produción da película de Ricardo Costa é posterior, reconstrúe os acontecementos desa primeira “semana”, a través de imaxes filmadas en cor –por iso consideradas “raras”–, imaxes de arquivo da RTP, fotografías e caricaturas. Así cóntanse cronoloxicamente os pasos daqueles primeiros días de liberdade: o movemento de tropas no Terreiro do Paço, pola mañá, e no Largo do Carmo, o día 25 á tarde, a liberación dos presos políticos ao día seguinte, as manifestacións de rúa dos militares e as populares, as chegadas de Mário Soares a Santa Apolónia, de Álvaro Cunhal e outros exilados políticos ao aeroporto de Portela, e finalmente a gran celebración do 1º de maio (o “primeiro 1 de maio”, 1974) no Antigo Estadio da FNAT, en adiante bautizado co mesmo nome.
Copia digitalizada pela Cinemateca Portuguesa – Museu do Cinema, no âmbito do Plano de Recuperação e Resiliência. Medida integrada no programa Next Generation EU.
- Ano:1976
- Países de produción: Portugal