Bernard Plossu

Considerado un dos principais fotógrafos do mundo, o seu recoñecemento vénlle dado por distincións como o Premio Nacional de Fotografía de Francia, pero sobre todo polas diversas publicacións monográficas editadas nos últimos vinte anos e as diversas exposicións nos máis importantes centros de arte do mundo. A súa achega á fotografía está recoñecida nos máis importantes manuais de Historia da Fotografía. Soubo ampliar a mirada poética visual até o punto de saber converter cada imaxe nun pequeno verso.