![El país del diablo El país del diablo](https://filmotecadegalicia.xunta.gal/sites/w_pcgai/files/styles/cover/public/programacion_3373.jpg?itok=u3Q7AAWn)
El país del diablo
Andrés Di Tella, 2008
75'. Vídeo
El país del diablo
(Arxentina, 2008)
Dirección: Andrés Di Tella. Guión: Andrés Di Tella, Cecilia Szperling. Fotografía: Diego Poleri, Darío Scvarzstein. Dur.: 75'.
Unha mañá de novembro de 1879, apenas uns meses despois de concluída a Conquista do Deserto- a guerra do goberno arxentino contra as tribos autóctonas- o escritor Estanislao Zeballos percorría a Pampa co obxectivo de describir o territorio conquistado, facer o primeiro mapa científico da rexión e, de paso, profanar tumbas indíxenas para alimentar a súa colección de cranios. Mais esa mañá deu cun descubrimento insospeitado: enterradas nunha duna no medio da Pampa, unhas caixas de madeira que gardaban o arquivo do cacique Namuncurá. Abandonadas polos indios cando escaparon das tropas expedicionarias, encerraban o testemuño asombroso dun mundo en vías de extinción. Zeballos fora un dos ideólogos da Conquista del Deserto. A súa longa viaxe pola Pampa, porén, transformouno. Foi o primeiro "huinca" (branco) en se interesar pola cultura e pola historia dos indios. Os mesmos indios cuxo exterminio o escritor propiciara antes de viaxar. Tras os pasos de Zeballos, Andrés Di Tella vai na procura dos restos que ficaron daquel exterminio, hoxe esquecido.