El maquinista de la general

THE GENERAL / EL MAQUINISTA DE LA GENERAL
(Estados Unidos, 1926)
Dirección e guión: Buster Keaton e Clyde Bruckman, sobre un relato de William Pittenger. Produción: Buster Keaton e United Artists. Fotografía: Bert Haines e Dev Jennings. Intérpretes: Buster Keaton, Marion Mack. Duración: 74 minutos.
Cando estala a Guerra de Secesión, Annabelle pide ao seu mozo Johnnie que se aliste no exército sudista pero o exercito o considera máis útil na súa profesión de maquinista de trens. Annabelle cre que foi un acto de covardía e decide non lle falar máis. Un ano despois cando Annabelle ten que viaxar na locomotora de Johnnie para ir ver o seu pai ferido un grupo de nordistas rouban a locomotora e a levan a como prisioneira. A película resulta unha reivindicación do que é capaz de facer un home só, en aparencia débil, por recuperar as dúas cousas que máis desexa neste mundo, a súa locomotora, e a muller á que ama. Dirixida e interpretada por Buster Keaton un dos actores e directores máis importantes da historia do cine e que desenvolveu as súas obras máis importantes dentro do período do cine mudo. A influencia do seu humor surrealista esténdese ata a actualidade. Keaton representa o personaxe dun mozo traxicómico que se caracteriza por enfrontarse a diversas desgracias mentres mantén a inexpresividade do seu rostro, apoiándose na súa capacidade corporal para desenvolver un humor físico de arriscadas acrobacias, negándose a a usar dobres. Considerada unha obra mestra do cine, basease nun relato autobiográfico do novelista William Pittenger, sobre o secuestro dun tren. Buster Keaton dixo "mentres uns recorren ás novelas para encontrar argumentos, outros recorren á Historia", mostrando o peso que para el ten o "real" no cine. Versión orixinal con rótulos en castelá. A partir de 9 anos.