DILLINGER

DILLINGER
(Estados Unidos, 1973)
Dirección e guión: John Milius. Produción: American International Pictures. Fotografía: Jules Brenner. Intérpretes: Warren Oates, Ben Johnson, Michelle Philips. Duración: 107 minutos.
En 1933 cinco axentes do FBI morren despois de recibir múltiples balazos. Un dos seus compañeiros xura vinganza e dedícase a perseguir con saña ao gángster John Dillinger, atracador de bancos e icona popular da época da Depresión, e a súa banda. Opera prima do entón excelente guionista e director (El viento y el león, El gran miércoles) John Milius. Un relato retro de persecución, cheo de brío, hábil mestura de espazos e un tratamento da violencia que invoca o pasado histórico e cinematográfico. Inesquecible dúo protagonista, encarnado por Warren Oates e Ben Johnson, ben arroupados por Cloris Leachman, Harry Dean Stanton e un principiante Richard Dreyfuss (no papel de Baby Face Nelson).