Massó no recordo

A fábrica de conservas e factoría baleeira Massó de Cangas abriu en 1941. Chegaron a traballar nela 500 persoas provenientes de toda a rexión: na pesca do atún, baleas e cachalotes, nos procesos de conserva e envasados. O pobo cheiraba a graxa de balea, no peirao de descarga chegaban grandes cachalotes, as mulleres cantaban mentres realizaban as árduas tarefas. En 1985 pechou e desde entón o espazo quedou abandonado. Case 30 anos máis tarde os nenos de 11-12 anos do pobo recuperan a memoria do lugar, a épica alegre e triste dos oficios e as vivencias a través do diálogo con avós e outros antigos traballadores. Un denso e emotivo retrato dos espazos cargados de historia e historias.