Curtametraxes

À BIENTÔT, J'ESPÈRE [ATÉ PRONTO, ESPERO]
(Francia, 1968)
Dirección: Chris Marker, Mario Marret. Produción: Slon, ISKRA. Fotografía: Pierre Lhomme. Duración: 43 minutos.
Entrevistas aos traballadores en folga dunha fábrica téxtil de Besançon, en Francia, que denuncian as súas degradantes condicións de traballo e esixen o dereito á educación e á cultura. Película que orixina a organización dos grupos militantes de obreiros-cineastas Medvedkine en correspondencia coa acusada efervescencia sociopolítica do momento.

2084. CENTENAIRE DU SYNDICALISME. VIDÉO-CLIP POUR UNE RÉFLEXION SYNDICALE ET POUR LE PLAISIR [2084. CENTENARIO DO SINDICALISMO. VÍDEOCLIP PARA UNHA REFLEXIÓN SINDICAL E POLO PRACER]
(Francia, 1984)
Dirección: Chris Marker, Groupe Confédéral Audiovisuel CFDT. Guión: Chris Marker. Produción: La Lanterne, CFDT. Fotografía: Robert Millie, Christian Bordes, Pascal Lemoal, John Metcalfe. Duración: 10 minutos.
Filme que presenta tres situacións posibles que invitan á reflexión sobre a situación do sindicalismo douscentos anos despois de que se promulgara a lei de 1884 tomada como punto de partida do movemento sindical.

UN MAIRE AU KOSOVO [UN ALCALDE EN KOSOVO]
(Francia, 2000)
Dirección: Chris Marker. Duración: 27 minutos.
Retrato de Bajram Rexhepi, alcalde de Mitrovica que no pasado fora sarxento no Exército de Liberación Kosovar.