Curtametraxes

VIVE LA BALEINE [VIVA A BALEA]
(Francia, 1972)
Dirección: Chris Marker, Mario Ruspoli. Guión e fotografía: Chris Marker. Produción: Prodix. Duración: 30 minutos.
Eloxio da balea e chamada de atención sobre a súa desaparición inminente se as masacres industriais continúan. Mesturando a Melville e prácticas culturais da cultura xaponesa, toma imaxes dun documental antropolóxico de Mario Ruspoli localizado nas illas Azores, “Les hommes de la baleine” (1956).

JUNKOPIA. SAN FRANCISCO
(Francia, 1981)
Dirección e guión: Chris Marker. Produción: Argos Films. Fotografía: Chris Marker, Frank Simeone, John Chapman. Duración: 6 minutos.
Na praia de Emeryville, en San Francisco, na rodaxe de “Sans soleil”, Marker filma artistas descoñecidos que empregan restos marítimos para fabricar estrañas esculturas. Coa participación de colaboradores estimables como Arielle Dombasle, Tom Luddy ou Michel Krasna e a creación dunha impresionante colaxe sonora gaña o premio César á mellor curta documental.

BERLINER BALLADE [BALADA BERLINESA / PASEO BERLINÉS]
(Francia, 1990)
Dirección e guión: Chris Marker. Produción: Antenne 2, Envoyé Spécial. Intérpretes: Catherine Belkhodja. Duración: 29 minutos.
Primeiras eleccións no antigo Berlín Leste, aos catro meses da caída do Muro. Reportaxe realizada por Marker para o programa de Antenne2 “Envoyé Special”.

CASQUE BLEU [CASCO AZUL]
(Francia, 1995)
Dirección, guión e produtor: Chris Marker. Produción: Films de l’Astrophore. Duración: 27 minutos.
Impresións sobre a misión dos cascos azuis franceses en Bosnia a partir do testemuño do novo médico François Crémieux que se presentou voluntario para realizar alí o seu servizo militar.

E-CLIP-SE
(Francia, 1999)
Dirección: Chris Marker. Produción: Les Films de Jeudi. Duración: 8 minutos.
Vagabundeo visual ao redor do eclipse do 11 de agosto de 1999, no barrio Jardin des Plantes de París.