ARMONÍAS DE WERCKMEISTER

WERCKMEISTER HARMÓNIÁK / ARMONÍAS DE WERCKMEISTER
(Hungría-Francia-Alemaña-Italia, 2000)
Dirección: Béla Tarr, coa colaboración de Agnes Hranitzky. Guión: Béla Tarr e László Krasnahorkai, sobre a novela La melancolía de la resistencia de László Krasznahorkai. Produción: 13 Productions, Arte, Fondazione Montecinemaverita, Goëss Film, Magyar Mozgókép Alapitvány, Studio Babelsberg. Fotografía: Patrick de Ranter, Miklós Gurbán, Erwin Lanzensberger, Gábor Medvigy, Emil Novák e Rob Tregenza. Intérpretes: Lars Rudolph, Peter Fitz, Hanna Schygulla. Duración: 145 minutos.
Un espectáculo ambulante chega a unha vila húngara coa atracción "a balea máis grande do mundo". Pronto corre o rumor de que un príncipe estranxeiro os acompaña. Mais o príncipe non se amosa nunca e a decepción leva de modo inexplicable a que a poboación masculina do lugar, nerviosa e en paro, asalte o hospital. Rodada en distintas etapas, con moitos operadores e decorados, unha das grandes obras mestras do cine recente, capaz de revolucionar a secuencia narrativa e o punto de vista do libro de Krasznahorkai La melancolía de la resistencia, obtendo a película máis alegórica e á vez directa de Tarr, un balance aterrador e fascinante dunha histórica limpeza étnica onde a medida lonxitude dos planos responde como un eco ás frases faulknerianas da novela.