ADIÓS, MUÑECA

FAREWELL MY LOVELY / ADIÓS, MUÑECA
(Estados Unidos, 1975)
Dirección: Dick Richards. Guión: David Zelag Goodman, sobre a novela de Raymond Chandler. Produción: E.K.Corporation e ITC Entertainment. Fotografía: John A. Alonzo. Intérpretes: Robert Mitchum, Charlotte Ramplig, John Ireland. Duración: 95 minutos.
O detective Philip Marlowe recibe o encargo de atopar a Velma, unha bailarina que traballou nun club nocturno, e ao seu amigo Moose, que vén de saír do cárcere. Marlowe terá que desentrañar unha trama chea de personaxes escuros e de dubidosa honestidade. A consagración do estilo retro alcanzada con Chinatown, ten un contrapunto máis tradicional neste regreso ao cine negro clásico cun estupendo Robert Mitchum no papel do lúcido Marlowe. Unha película amarga, dominada por espazos interiores e vontade cromática, tan meditada como respectuosa con certo cine.