La vergüenza

• Share on twitter
• Share on facebook

Dous músicos refúxianse nunha illa para escaparen da guerra. Todo parece ir ben ata que uns soldados chegan á illa. Aprésanos e acúsanos de colaborar cos rebeldes. Dirixe a misión un antigo amigo da parella, mais iso semella só empeorar as cousas.

Rodada en plena guerra de Vietnam, hai referencias moi claras a ela, coma o uso do napalm. Bergman fai unha película antimilitarista de impresionante crueza con Ullman e von Sydow de protagonistas, cos que xa contara en La hora del lobo e que dirixirá de novo un ano máis tarde en Pasión. Dalgún xeito, estamos en escenarios distintos mais ante a mesma parella e con conflitos similares, con perigos externos que os minan e desestabilizan o seu foro interno.