Elisa, vida mía

Elisa, vida mía
(España, 1977)

Dirección e guión: Carlos Saura. Fotografía: Teo Escamilla. Intérpretes: Fernando Rey, Geraldine Chaplin, Isabel Mestres. Dur: 125'.

“A voz en off dun home vai relatando as razóns que o levan a visitar o seu pai enfermo, aínda que axiña o espectador se decata de que en realidade é unha muller quen está contando a súa chegada a unha casa en ruínas e illada no medio dunha chaira. Esa muller, Elisa, viaxa nun coche coa irmá, o cuñado e os dous fillos dese matrimonio. Cando chegan á casa, aberta e solitaria, explórana e van descubrindo unha serie de obxectos cotiáns que lle lembran ao seu pai. Esta é a secuencia inicial de Elisa, vida mía, e terán que pasar ao redor de dez minutos ata que o pai apareza montado nunha bicicleta. No entanto, aínda que este personaxe, que interpreta Fernando Rey, non aparece fisicamente, xa está presente desde o comezo; falouse del, víronse a súa cama, a súa mesa de traballo coa pluma estilográfica e os papeis, ademais de que a súa inconfundible voz é a que se oíu en off. Só un actor coa súa capacidade e carisma é capaz de conseguir estar presente na ausencia”.

Gorostiza, Jorge, “Saura e Rey”, en Fernando Rey: cabaleiro do cinema (1917-2017), Castro de Paz, José Luis e Ventureira, Rubén (ed.), Concello da Coruña, 2017.