Robert Rossen e o seu tempo (e IV)

En colaboración con Donostia Kultura e IVAC-La Filmoteca de Valencia.
Ciclo que acompaña á publicación “Nosferatu”, un estudo sobre a figura do cineasta estadounidense Robert Rossen (1908-1966). Director de 9 longametraxes, entre as que destacan títulos prominentes como El político, El buscavidas ou Lilith, perseguido, exiliado e destruído pola paranoia MacCarthysta, Rossen foi guionista do estudio Warner durante dez anos, colaborando con Raoul Walsh, Michael Curtiz e Lewis Milestone, antes da súa estrea como realizador en Johnny O´Clock (1947).
A retrospectiva sobre este entomólogo dos desexos de poder, marcado pola súa sutil posta en escena, compleméntase con algúns dos títulos fundamentais realizados polos seus colaboradores, así como as películas baseadas en guións seus.
Agradecementos: Fleur Buckley, British Film Institute (Gran Bretaña), Cineteca Nazionale (Italia), Geraldine Higgins, Hollywood Classics (Gran Bretaña), Jon Wengstrom, Svenska Filminstitutet (Suecia), Cristina Bernáldez, Filmoteca Española, Rui Nogueira, George Eastman House (Estados Unidos), Théatre du Temple (Francia), Johan Ericsson.