Nicolas Klotz. Tempos modernos (I)

O seminario sobre a película de Nicolas Klotz La cuestión humana (2007), que terá lugar no CGAI o vindeiro mes de abril, o día 24, permite descubrir a este cineasta francés e a súa colaboradora e compañeira, a guionista Elisabeth Perceval. Paria (2000), La Blessure (2005) e La cuestión humana (2007) constitúen o que os seus autores chaman “a triloxía dos tempos modernos” -que veremos completa o mes próximo-, tres títulos filmados entre decembro de 1999 e marzo de 2006, un momento que acreditan como de ameaza á memoria da humanidade, de significativa represión, unha época sombría que convén analizar. Klotz dirixiu tamén curtametraxes, vídeos musicais e obras de teatro.