Experiencia e definición

• Share on twitter
• Share on facebook

Carlos Nieto, Lázaro escamoteado, 1995-1997, 1 min 15 s

Relación de movementos e grises húmidos e difuminados entre os que se adiviña a figura humana nunha forma de presenza borrosa evocadora da sombra e da luz. (Obra na colección do CGAC.)

Juan Lesta e Belén Montero, En clave de croma, 2004, 9 min

Pantalla dividida en partes proporcionais coloreadas cunha cor, determinada pola frecuencia de onda que marcan os modos musicais.

Vicente Blanco, El más joven y radiante piloto, 2001, 2 min 52 s

O autor aliña con precisión debuxo infográfico, cómic e narración comedida no interior dun vehículo. Introdución perimetral da arquitectura de Frank Lloyd Wright –Fallingwater–. (Obra na colección do CGAC.)

Patricia Dopico, Narciso, 2001, 6 min 01 s

Reconstrución do mito de Narciso desde a reconstrución dun espello crebado, que significa a restitución da percepción propia e persoal. (Obra na colección do CGAC.)

Xoán Anleo, Fricción, 2002, 3 min 30 s

A acción especulativa do movemento insire na brevidade do espazo útil a sensación de disconformidade virtual entre o factor tempo e o factor anatómico. A influencia de Bruce Nauman nesta peza é evidente. (Obra na colección na CGAC.)

María Ruido, La memoria interior, 2002, 33 min

«A través do relato da historia da miña familia, pescuda na lembranza da recente emigración desde o estado español a Europa, e reflexiona sobre os mecanismos do esquecemento e do recordo, recuperando a idea da construción da memoria.» (María Ruido.) (Obra na colección do CGAC.)

Simón Pacheco, 39”, 2004, 39 s

Videocreación óptico-experimental que disecciona os patróns de tempo e de disposición xeométrica. (Obra na colección da Fundación Naturgy-MAC.)

Diego Santomé, Out of Nowhere, 2005,1 min 42 s

Imaxe e acción corporal na línea da videocreación de acción realizada durante os anos sesenta do século XX nos EEUU. (Obra na colección do CGAC.)

Rita Rodríguez, Artista cansado, 2013, 8 min 26 s

«A obra encerra unha crítica que alude ao mundo da arte e á decadencia e precariedade dos artistas. Son catro vídeos curtos que funcionan como spots, protagonizados así mesmo por catro artistas.» (Rita Rodríguez.)