La moderna poesía (2000)+ Kriegsbilder (2006)

La moderna poesía
(Birgit Hein, 2000) 67’. Vídeo.
Kriegsbilder
(Birgit Hein, 2006) 10’. Vídeo.
Kriegsbilder é unha demostración pirotécnica visual construída con imaxes da cobertura xornalística da guerra desde a II Guerra Mundial, en que o deleite estético vai dando paso, aos poucos, á visión da morte. La moderna poesía, pola súa parte, é o diario de viaxe de Hein por unha Cuba empapelada con retratos do Che Guevara, dende a ambivalente ollada de turista nun país socialista. Os altos ideais que forxaron a revolución cubana coliden coa realidade a día de hoxe e coas mesmas imaxes do Che impresas en cuncas e camisetas a modo de souvenir. Unha viaxe núa de sentimentalismo en que, porén, se albisca en ocasións esperanza baixo as desgastadas cidades cubanas.