Ladrón de bicicletas

• Share on twitter
• Share on facebook

Antonio Ricci é un obreiro no paro na Italia da posguerra que por fin atopa un bo traballo pegando carteis pola cidade de Roma. Para o traballo necesita unha bicicleta, e por desgracia o primeiro día de traballo róubanlla. Antonio e o seu fillo Bruno comezan unha busca desesperada para recuperar a bicicleta por toda a cidade, os dous saben que sen ela Ricci non poderá conservar o traballo. Ladrón de bicicletas, obra mestra do neorrealismo italiano, é un duro testemuño da vida en Italia tras a Segunda Guerra Mundia. Trátase dunha película ateigada de actualidade, autenticidade e realismo. Interpretada por actores non profesionais que dotan os seus personaxes de dignidade na súa loita pola supervivencia.