Stan Brakhage: Water for Maya + The Governor + Christmas Sex Dance
Stan Brakhage, 1977-2000
69'. 16mm
Water for Maya
(Estados Unidos, 2000)
Stan Brakhage / 16 mm / cor / silente / 4'
WATER FOR MAYA é un traballo pintado á man que xurdiu durante unha entrevista filmada con Martina Kudlacek sobre Maya Deren. Houbo un súbito recoñecemento do amor intrínseco de Maya pola auga e sobre todo da liquidez de Maya nunha máxica conxunción, reflexo, etc.
The Governor
(Estados Unidos, 1977)
Stan Brakhage / 16 mm / cor / silente / 60’
O 4 de xullo de 1976 a miña cámara e eu demos unha volta polo estado de Colorado co gobernador Richard D. Lamm, mentres viaxaba en desfiles cos seus fillos, aparecía por ceas, daba conferencias, etc. O 20 de xullo pasei a mañá na súa oficina no Capitolio do Estado e acompañeino xunto á súa muller pola tarde a un estudio de televisión; despois a señora Lamm atendeu aos convidados na mansión do gobernador e finalmente volvín con el á súa oficina. Estes dous días de fotografía tardei un ano en montalos ata dar cun filme que se entreteceu en múltiples superposicións coma un estudo da luz e o poder.
Christ Mass Sex Dance
(Estados Unidos, 1991)
Stan Brakhage / 16mm / cor / son / 5’
Este traballo, composto por seis rolos de imaxes superpostas ao tema de música electrónica Blue Suede de Jim Tennay, é unha celebración das sofisticadas constricións da sexualidade adolescente – moduladas (neste caso) pola suite d’ O Crebanoces de Tchaikovsky e as fibrosas raíces de Elvis Presley.