Sesión 3: Longas loitas
VV.AA, 1969
109'. 35mm
79 primaveras, Santiago Álvarez, 1969, 35mm. 25’
La primera carga al machete, Manuel Octavio Gómez, 1969, 35mm. 84’
En 79 primaveras Santiago Álvarez rende un tributo lírico a Ho Chi Minh. O título fai referencia á idade do líder vietnamita no momento da súa morte e trátase dun dos documentais biográficos máis atípicos na historia do cine. O funeral acompáñase da música de Iron Butterfly e algúns fotogramas da película estalan en chamas na mesma pantalla.
La primera carga al machete, de Manuel Octavio Gómez, sitúase entre o documental e o acontecemento. Próximo no tempo e no método a Peter Watkins, Gómez filma unha famosa batalla da Guerra de Independencia de 1868 como se fose unha moderna reportaxe documental, completada con entrevistas aos contendentes de ambos os bandos. No filme, que forma parte dunha serie de produccións do ICAIC para conmemorar as guerras de independencia contra España, Gómez decántase por un enfoque totalmente experimental, tanto no visual coma no narrativo. O resultado é todo o contrario do cine histórico convencional, cuxa grandilocuencia resultaba insufrible para Gómez.