CGAI Júnior
Del 1 de febrero de 2010 al 28 de febrero de 2010
Na tentativa de outorgarlles aos máis pequenos un mundo cheo de experiencias e sensacións enriquecedoras, este mes proxectamos un clásico indiscutible, Tiempos modernos (1936) de Charles Chaplin, recomendada para rapaces a partir de 7 anos.
Nun momento onde as imaxes posúen un enorme protagonismo e os rapaces achéganse maioritariamente a elas a través de ámbitos como a televisión, internet ou os videoxogos, propóñense outros camiños que poidan revelar novas emocións ao tempo que o pracer de compartilas con outros novos espectadores na mesma sala: achegarse ao cine no cine. A través da súa diversidade, de narracións divertidas, serias ou emocionantes os rapaces descobren momentos da nosa historia, inícianse na lectura das imaxes, viaxan por outros horizontes, divírtense… e aman o cine!
Con cada película entregarase unha ficha didáctica para realizar no ámbito familiar. A entrada é gratuíta.
![TIEMPOS MODERNOS TIEMPOS MODERNOS](https://filmotecadegalicia.xunta.gal/sites/w_pcgai/files/styles/large/public/programacion_1852.jpg?itok=UpdYzboG)