A ponte da morriña

• Share on twitter
• Share on facebook

Coa tradición oral asistimos á recuperación dunha parte da memoria colectiva deste país. Os protagonistas do documental son os moradores dos Ancares, xentes que a pesar da globalización imperante nesta fin de milenio, seguen labrando a terra, coidando o gando e mantendo vivas as súas aldeas vitais. A través dos seus contos e lendas vemos como esta comunidade pervive a pesar do illamento e nós como espectadores convertémonos en herdeiros da súa memoria. "Nos Ancares quedan poucos lobos, poucas lareiras, poucos nenos, pero aínda quedan lendas".