O Free Cinema e a tradición realista no cine británico

Ciclo impulsado desde o Festival Internacional de Cine de Gijón como primeiro froito do proxecto 'Novos Cines', que terá continuidade en anos vindeiros. Aínda que centrado no Free Cinema, o movemento renovador que supuxo a introducción dun sopro de aire fresco na industria cinematográfica británica, o ciclo rastrexa igualmente a tradición realista na que se inscribía (os documentalistas dos anos trinta e corenta) e as súas consecuencias nos anos setenta, oitenta, ata chegar ós novos cineastas "realistas".

O catálogo do ciclo está coordinado por Carlos F. Heredero e José Enrique Monterde e editado polo IVAC-La Filmoteca dentro da súa colección Textos, coa colaboración das outras institucións participantes (Festival de Gijón, Filmoteca Española e CGAl).

No CGAl están previstas un total de 24 sesións que se estenderan ata febreiro de 2002. A estrutura do ciclo é a seguinte:

• A tradición documental: os anos trinta
• A tradición documental: os anos da guerra
• O ciclo Ealing
• As sesións do Free Cinema
• Antes do Free Cinema
• A plenitude industrial do Free Cinema
• O declive do Free Cinema
• Ó redor do Free Cinema
• Reconstruíndo o contexto do Free Cinema
• Despois do Free Cinema
• O novo cine realista

Nota: A itinerancia e a diversidade de procedencia das copias impide unha ordenación cronolóxica do ciclo.

En colaboración con: Festival Internacional de Cine de Gijón, Filmoteca Española e IVAC-La Filmoteca.