Love Me Not

• Share on twitter
• Share on facebook

O cine de Lluís Miñarro segue falando de reis. E se en Stella Cadente recreou a peripecia de Amadeo de Saboia e a súa curta estancia en España, en Love me not pon en escena a Herodes e a filla Salomé, famosa por conseguir que lle servisen en bandexa a cabeza de Xoán o Bautista. Con todo, non estamos na época do Imperio Romano, senón na guerra de Irak, aínda que o deserto siga sendo o escenario do desexo e da paixón… Mestura de cine político e estética pop, que bascula entre a obra de teatro orixinal de Oscar Wilde e a cuestión musulmá, esta cuarta longa de Miñarro -tras producir durante décadas algunhas das películas de autor máis importantes do cine contemporáneo- supón a súa consagración definitiva como un dos nosos cineastas superiores: descóbrenos que a Biblia pode ser obscena, que Oscar Wilde podería ser un místico, e que o sexo pode acabar coa guerra… Un filme realmente subversivo. (Catálogo D'A 2019)