Fóra de serie

Inauguramos o proxector 2K cun servidor estándar DCP (Digital Cinema Package) de proxección dixital con títulos clásicos restaurados en copias de calidade impecable. Comezamos coas dúas primeiras (populares e multipremiadas) pezas melodramáticas en torno á familia Corleone, a saga d’El Padrino, orquestadas por Francis Ford Coppola, e a segunda película de Terrence Malick, Días del cielo, autor de plena actualidade pola súa longametraxe El árbol de la vida.