The Trial / El proceso
Orson Welles, 1962
120´. DCP. Subt. castelán.
THE TRIAL / EL PROCESO
(Estados Unidos-Francia-Alemaña-Italia, 1962)
Dirección: Orson Welles. Guión: Orson Welles, segundo a novela de Franz Kafka. Fotografía: Edmond Richard. Produción: A Mercury Production, Paris Europa Productions, Hisa-Films e Fi-C-It. Intérpretes: Anthony Perkins, Jeanne Moreau. Duración: 120 minutos.
O cidadán K. acorda unha mañá e descobre que está acusado dun crime. Comeza unha auténtica odisea. Coa confianza dos irmáns Salkind como produtores e baseada na obra homónima póstuma de Kafka, Welles deseña outro filme de escenografías e angustia in crescendo, contrapicados e sensación de pesadelo; o conto expresionista dun proceso xudicial onde poder, surrealismo e lóxica do absurdo conviven. O elenco inclúe a Elsa Martinelli, Romy Schneider, Orson Welles, Akim Tamiroff e un mozo Michel Lonsdale.