STRUGGLE

STRUGGLE
(Austria, 2003)
Dirección: Ruth Mader. Guión: Ruth Mader, Barbara Albert e Martin Leidenfrost. Produción: Amour Fou Filmproduktion e Struggle Films (Austria). Fotografía: Bernhard Keller. Intérpretes: Aleksandra Justa, Gottfried Breitfuss. Duración: 74 minutos.
Eva chega de Polonia arrastrando a súa filla pequena ata os campos de amorodos austríacos. Alí a consigna é “25 céntimos quilo recollido, media de 200 quilos e 50 euros diarios, de 5 da mañá a 6 da tarde. E recemos para que non chova”. Remata a tempada e acepta outros traballos precarios: cadea de montaxe, cargar caixas, pulir souvenirs, limpar piscinas. Ademais Eva coida da súa pequena e debe evitar a deportación, ao tempo que parece xurdir o amor cun axente inmobiliario divorciado e que agocha segredos. Gañadora de 4 premios en festivais internacionais.