Esa sensación

Esa sensación
(España, 2016)

Dirección, guión e fotografía: Juan Cavestany, Julián Génisson, Pablo Hernando. Intérpretes: Lorena Iglesias, Vito Sanz, Jorge Suquet. Dur: 80’.

Juan Cavestany, pope do cinema low cost en España, suma esforzos cos máis novos Julián Genisson (membro do colectivo Canódromo Abandonado) e Pablo Hernando (autor da destacable Cabás) para escribir un tríptico tan ridículo coma o país en que vivimos. Aparentemente lixeiras, estas historias entrelazadas sobre mulleres que se excitan con parquímetros, homes chamados por unha repentina fe relixiosa, e grupos de amigos posuídos por arroutadas indescifrables; compoñen en realidade un retrato patético e cómico sobre a nosa España. Para rirmos, por non chorarmos.