Diario de invierno
Francisco Regueiro, 1988
104'. 35mm
Diario de invierno
(España, 1988)
Dirección: Francisco Regueiro. Guión: Francisco Regueiro, Ángel Fernández Santos. Fotografía: Juan Amorós. Intérpretes: Fernando Rey, Eusebio Poncela, Francisco Algora, Terele Pávez, Rosario Flores, Vicky Peña. Dur: 104'.
O comisario de policía coñecido como “La Bicha” ten que enfrontarse a pantasmas do seu pasado ao intentar resolver un difícil caso de homicidio que o leva a revisar episodios da súa infancia.
Baseándose na historia de Caín e Abel, Fernández Santos e Regueiro constrúen un relato cheo de misterio e momentos oníricos, en que o director valisoletano definiu como unha “comedia bárbara valleinclanesca”. Trátase da segunda entrega dunha sorte de triloxía que completa con Padre Nuestro e Madregilda, e que deu pulo a esta súa segunda etapa, máis en clave de soño e abstracción que os seus traballos dos sesenta e setenta.
Se Padre Nuestro se estreara en Cannes abrindo a sección Un Certain Regard, esta foi un éxito en Donosti, onde Fernando Rey se alzou co premio ao mellor actor pola súa interpretación do pai.