Big kiss, good night

BIG KISS, GOOD NIGHT
Dominic Gagnon / 62 min. / 2012 / Canadá

“A miña indignación protéxeme”. Sentado no coche, coa barba longa, desleixado, Joetalk100 fala á cámara. Acaba de saír do cárcere. Ten diabetes. Non para de beber café e fumar pitos. Fillo de inmigrantes italianos nos Estados Unidos, fai vídeos nos que expresa a súa indignación diante do empeoramento crecente do seu país. Ás súas respostas séguenlle en pantalla as reaccións dos usuarios da Web. A súa necesidade de diñeiro é o que provoca unha diatriba interminable á política, ao poder financeiro e á nova orde mundial. Gagnon, que nas súas películas anteriores escolle a horizontalidade das masas, aquí, en cambio, elixe a verticalidade da profundidade dunha alma. Do mesmo xeito que unha pota a presión a piques de estourar, Joe fala rodeado de comentarios que, coma no coro dunha traxedia clásica, acompáñano no seu destino. Alguén lle escribe: “Quizais o que necesitas é unha aperta”. Gagnon, curioso e divertido, observa os seus cuestionamentos. (Luciano Barisone)